الشمس طاله
من بعيد فى ضحكتك
–
والسحر نايم
بِحضن بشوق نظرتك
–
وحسنة خدك
حكت لى قصتك
–
وزهر شفايفك
بِبوس برعشه رقتك
–
وسهام رموشك
موج بِسبَح فى دنيتك
–
وسواد شعرك
ليل بيغنى غنوتك
–
وبرائة وجهك
بِغزل من العبير نشوتك
–
وأنا مسكين
عشقت ولله حضرتك
–
خاصمنى النوم
وخيالى سرح فى رسمتك
–
بدعى ربى
تكون أحاسيسى وصلتك
–
بكت النجوم
على حالى من قسوتك
–
انا الشاعر
عجزت أوصف طلتك
–
كل أشعارى
أصبحت حرف فى كلمتك
–
خدينى يا فارسه
واسقينى شهد حنيتك
–
نفسى أبقى فارس
واخطف بحصانى همستك
–
وحياتك يا نجلا
انا قتيل نظرتك
–
وحلفت يمين
لامشي لأخر سكتك
===========
الشاعر مصطفى عبد المجيد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
