الرئيسية » مسابقة الشعر العامى » آخر السكة ..مسابقة العامية بقلم / عبد الله توفيق مطر من مصر

آخر السكة ..مسابقة العامية بقلم / عبد الله توفيق مطر من مصر

خاص بالمسابقة .. قصيدة عامية

عبدالله توفيق مطر – مصر

آخر السكة
*******
ﻵخر السكة بتعافر
عشان غيرها
وكله جاى من خيرها
وبتسابق زمن رهوان
وتتعكز على الجدران
وتقطع خيطها من ابرة
وتلضمها على القضبان
وتستنى قدوم الفجر
بيجيلها
تلاقي ليالي بتشيلها
وتلحم كام زرار ناقص
في قلب قميص محيرها
وتبعد عن ظلام ليلها
تخفف من هموم غيرها
وتهدي كل يوم حيران
وبطبطب على اكتافنا
وبتخفف وجع عيان
وتتنازل عن القسمة
لحق الصحبة والخلان
وترسم ع الجدار شمعة
تضوي ف قلب ليل سهران
ماهش زيي ولا زيك
ده قلب يدوب مع الغفران
وتتقطع ولا تشوف النفس
طالع
وتتحنى بأمل ضايع
ولا بتوصل سنين ضايعة
لطرف الخيط
وتايبة من ذنوب راحت
يادوب بالموت
ماهوش فاضل في دنيتها
غير التوابيت
لكن أملي ف يوم ترجع
في يوم العيد
وتنسى دنيا فيه عبيد
وتبعد عن سنين ماتت
ترجع دنيا كات فاتت
وتبقى الألفة من تاني
لكل الفصل
ماهو انتي الأم وانتي
الأصل
وبحلف لك
بكل ما فيكي من عظمة
وكل ما فيكي من عزوة
بأن الجاى أكيد ليكي
وان الجاى أكيد بيكي
تعيشي يا مصر
************

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *