الرئيسية » مسابقة الشعر العامى » آخر دقيقة. مسابقة الشعر العامى بقلم / عصمت عبد الغنى محمد من مصر

آخر دقيقة. مسابقة الشعر العامى بقلم / عصمت عبد الغنى محمد من مصر

عصمت عبد الغنى محمد
مصر- 6 اكتوبر

essmatsonay@hotmail.com

شعر العامية
قصيدة بعنوان
(آخر دقيقة)

واخدة قلبى وفين مسافرة
زى مايكون الضباب
واللى كان ايدة فى ايديكى
بكرة راح يحضن سراب
بس يعنى أستنى حبة
قبل ماتكون النهاية
قلبى فايض بالمحبة
والدقايق مش كفاية
,,,,
لوفى حاجة خايفة منها
احكى ليا متخافيش
حاجه تستاهل نفارق
ولا حاجة متساويش
دا فراق مكتوب ده ولا
عند بين العاشقين
اضحكى الضحكه ويلا
يلا نضحك ع السنين
,,,,
اللى مكتوب فى عيونك
حاجة بتجن الجنون
مرة أبكى مرة اغنى
مرة تأسرنى الظنون
لما غبتى الشمس غابت
والدقايق بالساعات
أتحسدنا وعين وصابت
وأفترقنا بالسكات
,,,,
كل دة كان ذنبى وحدى
لما عودتك زمان
لوتدارى اوتعاندى
كنت مديلك امان
مين بيجنى الذنب تانى
مين هايسرح بالخيال
مين هايتأثر ثوانى
مين اللى هايصاحب محال .

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

4 العصر . مسابقة الشعر العامى بقلم / برديس احمد عاشور .مصر

الاسم:برديس أحمد عاشور المحافظه :دمياط تليفون:01015227997 شعر عامي 4العصر وقت غروب الضحكه وشروق الوجع جت …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *