الرئيسية » الشعر والأدب » آسف..قصيدة للشاعر- حلمى قاسم

آسف..قصيدة للشاعر- حلمى قاسم

حلمى قاسم

آســـــــــــــــف”
*****************

سامحينى لو قولت لك

إنى مــــــاحَبتكيش

وإنك مجــــــرد طيف

عدى فى لحظة طيش

ســـامحي لأنى كمان

بصراحه ما انفعكيش

آسف لكــــــونك حلم

عابر ماحستهوش

وإنك يدوب كومبارس

فى فيلم ماسمعتوش

كان ودى قلبى يدق

ويمــــــــــــــد لك ايده

او يكتب اسمك يوم

فــــى سجل مواعيده

ياما حاولت معـــــــاه

لكنه مطاوعنـــــيش

كان كل املى يرق

يا خساره مافهمكيش

فماتزعليش منى

إكمنى مــــش حَبيب

وإنك فى دنيا الهوى

مالكيش فى قلبى نصيب

انسينى لـــــــــو تقدرى

او حتى ماقدرتيش

عيشى حيــــــــاتك بقى

مــــــــاتفكريش فيا

الدنيا مــــــش راح تقف

ولا تنتهى عليا

جايز تــــــلاقى حبيب

ياخدك فى احضانه

تكمل معـــــــاه قصتك

وتغنى الحانه

سامحينى ما تلومينيش

وتقولى بعانى بلاش

ارجوكى ماتظلمنيش

فى قصه مــــــاقريتهاش

انتى حقيقى ملاك

تستــــــــــاهلى كل الخير

قلبك بينبض وفا

يشبه قلــــــــوب الطير

لكن نصيبك كده

مــــــــع حلمك المشروع

تبقى بدايته الامل

ونهايته تبقى دمــــــــوع

ســــــامحينى وماتبكيش

مـــــــــاتقطعيش قلبى

ارجــــــــوكى ما تعاتبيش

على ذنب مـــــش ذنبى

وكفــــــايه كنت صريح

واضح ومـــــــــابخبيش

وادينى جيت قـــــولت لك

انى ما حَبتكيش

وانى بكل وضـــــــوح

وصـــــــراحه مانفعكيش

********************************
قلم/ حلمى قاسم

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الجزائر والمصاب الجلل .قصيدة للشاعر محمد ماجد دحلان.( شاعر الصومعة) فلسطين

قصيدة (((الجزائر والمصاب الجلل!!!!!))) طائرة تسكب الموت على ارض الجزائر تعلو اصوات الثكلى والحرائر  تفتح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *