مسابقة الشعر العامى

آه يازمانى..مسابقة الشعر العامى بقلم / محمود العزب من مصر

آه يازمانى

شعر/محمودالعزب

آه يازمانى وآهين يانى
واْنْتَ سايبْنا لِإمْتَى نِعانـى
والأحْوال ماهِش عاجْبانـى
ومافيش حَدْ أحْسَن م التانى
ولافيه حاجَه الوَقْتى مُفيدَه
ولابِتْهَنَّى سَعيـد بِسَعيـدَه
وانْتَ موافِق على حِرمانى
واسْأَل أرْضى وهِيَّه تْقولَّك
إن الزرع ماعَدش فاَضِلَّك
ولامِسْتَحْمِل يشرَب تانـى
واسْأََل فقْرى وقهْرى وسَهَرى
كُلُّه هاينْطَـق مانْتَش قَمَـرى
ولابِتْنَـوَّر حتَّـى مكانــى
وان الخَلْق جميعاً بانـوا
أغْلَب مِنِّى ولِسَّه بْعانوا
م اللِّى ناسيهُم واللِّى نَسانى
وانا والمُصْحَف مانى باهَرَّج
ولا فى كلامى باحِب أعَرَّج
ولافيه حاجَه بَقولْها عَشانى
وانا مِتكَّهْرب وانـا مِسْتَغْرَب
علشان كُل الناس دى مكانى
واحْنا المَجْنى عليه والجانى
وانْتَ مْضَيَّع ليه عِنْوانــى
إنتَ مْضَيَّع ليه عِنْوانــى
وآه يازمانى……وآهين يانـى. (عاميه)-مصر-
01060256075

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق