مسابقة الشعر العامى

أبناء الصمت ..مسابقة العامية بقلم / أشرقت سيف النصر من مصر

مصر_اسكندريه
أشرقت سيف النصر
مشاركه شعر عامى

ابناء الصمت
…………..
رن السكوت ف سما .. كسر الميدان تجاعيد
فاتحه _الريات الحمر_ لدمعه والتنهيد
عدم جواز الأمل خلى الصباح عربيد
سكران بيُتم اليل من حلم لسه جديد
وانا لِسه واقفه هنا بسأل فكل اذان
الذنب ذنبي انا ولا على إلى خان ؟
ولا ده ذنب الوعد /بصدق المواعيد
فارده هنا وجعي ع الذكرى والى كان
والشهقة مكتومه فالدم والحيطان
كل الكلام فيها مكتوب بنزف وريد
_من منبع التغير تتأرخ الازمان _
إلا تاريخي انا …هيكتبونى ايه؟
الحال ما هو الحال والفرق فالتجويد
صوت الهتاف يعلى .. صداه يرد :حرام
صوت الهتاف يعلى ..صداه يرد :نظام
صوت الهتاف مبقاش يهز فالأوطان
سوا ضُلوع الحُر ونبض الحياه ف شهيد
يا لاجئين الحلم مفيش وطن ناقص / كل الى جاي بيزيد
خلو الهتاف الحى مصلوب على التوحيد
هي الحياه بتعيد في نفس مشهدها
كل الحكاية بس ديكورها يبقى جديد
مفيش وطن ببلاش ومفيش بلاد غيرها
كل الى عاش ليها لازم هيبقى شهيد

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق