الرئيسية » مسابقة الشعر العامى » أحزان ..مسابقة شعر العامية بقلم / جودة فتحى عبد العال من مصر

أحزان ..مسابقة شعر العامية بقلم / جودة فتحى عبد العال من مصر

قصيدة “أحزان” للشاعر/جوده فتحي عبد العال شعر عامى خاص بالمسابقه ( مصر- اسيوط -ديروط -خارفه ) ت/01284131855
……………
أنا اللي الكل ناداني ..
أنا المارد بأشعاري ..
أنا البركان ..
أنا اللي الليل عرف إسمي ..
أنا اللي رسمتك علي جسمي ..
أنا الإنسان ..
أنا واخدك ف أحضاني ..
أنا تايه ف عنواني ..
أنا الحيران ..
أنا يوسف ف حضن الجب ..
أنا عيسي صليب الحب ..
أنا الفنان ..
أنا اللي الحلم كان بلقيس ..
أنا المنسي وغيري مفيش ..
أنا التوبة اللي ف القرآن ..
أنا سليمان علي عرشك ..
أنا المفتون ..
أنا جرحك ..
أنا صوتك ف كل مكان ..
أنا المجنون ..
أنا الصوت اللي بندهلك ..
تجيني وتمشي علي مهلك ..
أنا الميدان ..
أنا الواقف وبتعلم ..
ومن جروحي بتألم ..
أنا الصامت ولا أتكلم ..
أنا العنوان ..
علميني أزاي أكون ..
علميني سر الحياة ..
علميني بلاش أموت ..
لبسيني طوق النجاة ..
علميني إن السكوت ..
لازم نعرف منتهاه ..
علميني أكون جرئ ..
علميني أكون عنتر ..
علميني إن البرئ ..
أكيد مظلوم مش أكتر ..
أنا الميت وأنا بحلم ..
أنا جفونك أنا المندل ..
أنا السهران ..
أنا حكاية وطن عايش ..
أنا اللي كنت ولد طايش ..
ودلوقتي بقيت أعزل ..
وكشكولي إتملي أحزان ..

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *