الرئيسية » مسابقة الشعر العامى » أحلى موتة .مسابقة شعر العامية بقلم / نجاة عبد الحليم من مصر

أحلى موتة .مسابقة شعر العامية بقلم / نجاة عبد الحليم من مصر

أحلي موته ( مسابقة الشعر العامي )
بقلم : نجاة عبد الحليم من مصر
هاتف 01016391141

أحلي موته :-

افتحي لي يا حبيبتي
جنب قلبك ألف باب
ادفنيني بين رموشك
اوعي أشواقك تحوشك
خايفة مني ؟
و الا من قلبي اللي داب ؟
كل كلمة من شفايفك
قلبي قالهالك و شايفك
بتقوليها غصب عنك
لما عينك فتحت و قالت لي
عاشق و انت عاشقة
قبل ما اقفل ( أي صفحة
قلبي دونها في كتاب )
ادفنيني مرة تانية
بين رموشك
اوعي أشواقك تحوشك
حاولي ( ليكي تقربيني )
كل شيء مكتوب في عيني
يعني جوه الجفنِ ساكن
عشقي متمكن و لكن
نفسي أهرب من هواك
حتي لما باكون معاك
ما تقولي لي طب و ليه ؟
مش هاقول لك اني عاشق
و ان حبك جوة قلبي سهم راشق
عايز اقول لك حاجة واحدة
نفسي اقولها من زمان
قلبي ده مفتون بواحدة
هي فرحه و هي جرحه
اللي كان
فاكره لما قلت ليك يا حبيبتي
ارحميني و اقتليني بين رموشك ؟
و احضنيني
احضنيني جوة عينك ؟
هي موته
أحلي موته
فادفنيني يا حبيبتي بين رموشك
اوعي أشواقك تحوشك
و افتحي لي جنب قلبك
ألف باب
نفسي ادخل جنتك
بس مستني الجواب .

 

 

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

20 تعليق

  1. رمضان فراج

    بوحك يسرى بعروق الدم
    يكسر كل الحواجز و يدخل القلب
    تفتح له الابواب المغلقة
    احساسك يذيب الجليد
    و يفجر الصخر الاصم
    و كلماتك تشق الصخر
    تكسر حدود الصمت
    تنطق الحجر الاصم
    فيشدو بأرق و اعذب النغم ………..لااجد فى قاموس اللغة كلمة اطراء توفيكم قدر هذا القلم الرائع الذى يخط دررا …….تحياتى ومودتي وكل الورد لك واكثر

  2. رائعه تسلم ايدك شاعرتنا القديرة المتألقه

    بالتوفيق والنجاح بإذن الله

  3. روعة أخرى من قصائدك الجميلة يا أستاذة نجاة حليم

  4. جميلة جدًا أستاذة نجاة
    أتمنى لكِ التوفيق والنجاح

  5. الله كﻻم جميل وكله إحساس ررررررروووووعه سيدتى احسنتى
    مساء اﻻنوار

  6. شاكر المدهون

    كلمات تنزف رقة ورقة يملؤها حب;

  7. دائمة الابداع يا استاذة

    • تحفه يا أستاذه وقرأتها أكثر من مره لجمال كلماتها سلمت يدياكى. .ودايما نشوف منك اﻻجمل فى اشعارك الجميلة. .تحياتى لحضرتك

  8. الله الله الله علي جمال الحرف و قوة المعني دام نزف حرفك الألق الجميل شاعرتنا الراقية بالنجاح و التوفيق دائما

  9. عماد القصاص

    روعه كما عهدنا ابداعك

  10. محمد بن عبد الله

    كلماتك جميلة ورقيقة وإحساسك رااائق جدا …هنيئا لك بهذا الابداع الجميل أستاذة نجاة

  11. نص راق به سلاسة وعذوبة استخدمت الشاعرة البساطة طريقا الى الجمال فقد جاءت بالمعنى المراد من اقرب لفظ احيها على استخدامها للموسيقى بعذوبة فهى شاعرة تمتلك ناصية الحرف والمعنى معا

  12. اوراق منسيه

    الله الله دام اﻻحساس العالي سيدة اﻻحساس

  13. الله الله. الله
    تسلم الايادي سيدتي وشاعرتنا الغالية نجاة هانم
    من اجمل واروع ماقرات

  14. رائعه أستاذه نجاح سلمت يداك وبورك قلمك

  15. نص ظريف .. موسيقاه رائعه لكنها اعلى من الصور البلاغيه والمحسنات البديعيه .. بالتوفيق

  16. هي امرأه لا تسطر ما راق لها.

    ‘بل تكتب حروفها لأمتاع القارئ لها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *