الرئيسية » الشعر والأدب » أد الوعد..قصيدة بقلم الشاعر / محمد توفيق

أد الوعد..قصيدة بقلم الشاعر / محمد توفيق

محمد توفيق
أد الوعد
==========
نصرة قوية
ومدوية
حطمنا فيها الرجعية
بعد كفاحنا
هل صباحنا
ورجعت من تانى الحرية
قوللى مين هيعادينا مين؟!
ومعانا رب العالمين
وحبانا بفارس مغوار
حطم أسوار العبودية
شُق طريقك وسط الليل
وإزرع فجر بأرض النيل
ياما صبرنا ودوقنا الويل
وإتحملنا جيل ورا جيل
لكن بإيمنا وعزيمتنا
إتحدينا كل دخيل
ومعانا رب العالمين
مصر بلدنا ياناس ولادة
أقرا تاريخنا كفاح وعباده
وذى ما جابت عبد الناصر
برضك فيها نجيب وزويل
ومهما خدتنا فى يوم الغافلة
راح تطلع من بينا الصفوة
وأحنا أهوه ملايين قٌدامك
هنحقق كل أحلامك
وإوعد إنت
وإحنا ياسيسى أد الوعد
ده مش صوتى اللى بيتكلم
والله ياسيسى ده صوت الشعب
وإوعد بس
وإحنا ياريس أد الوعد
————.
عهد علينا هنوفى العهد
وإحنا ياريس أد الوعد
وذى ما قولنا هنبنى السد
لقنالك إحنا فرسانك
هتلاقى ييجى ميت مليون
بإشاره نتحدى الكون
كلنا عفاريت نبنى نعمر
كلنا جاهزين رهن بنانك
هنحمل بإيدينا رمال
وهننسف بالهمة جبال
ميت مليون عفريت جاهزين
هينفذوا كده كل كلامك
لجل ما مركب مصر تعدى
راح نحفر بعرقنا قنالك
وإوعد إنت
وإحنا ياسيسى أد الوعد
ده مش صوتى اللى بيتكلم
والله ياسيسى ده صوت الشعب
وإوعد بس
وإحنا ياريس أد الوعد
————–.
كنا بنحلم بيك ياقائدنا
فارس مغوار ذى جمال
لحد ما جيتنا فى حلم جميل
أكبر من كل الأحلام
وقلت بلادنا لابد هتنهض
وفى ثانية زيحت الإخوان
والله ياسيسى برافو عليك
إطلب وإحنا ملك إيديك
مين يتصور
أو يتخيل
إن قنالنا بقيت قناتين
والخير اللى عايد منها
أصبح دلوقتى ضعفين
والله ياسيسى ماشالله عليك
الخير شايفينه على إيديك
ميت مليون عفريت جاهزين
بإيديهم هيشقوا قنالك
لجل ما مركب مصر تعدى
والخير هنشوفه على إيديك
وإوعد إنت
وإحنا ياسيسى أد الوعد
ده مش صوتى اللى بيتكلم
والله ياسيسى ده صوت الشعب
وإوعد بس
وإحنا ياريس أد الوعد
أد الوعد
أد الوعد
—————.
شعر/ محمد توفيق

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *