إلى محمد صلاح . شعر / رضا أبو الغيط

على طول يا ابني بتسعدنا

وف قلبك حب بلدنا

ومعاك بنعيد أمجادنا

ياصلاح يا حبيب والديك

ف الغربة أحلى سفير

وف بلدك عامل خير

والناس تشهد والطير

وصوابع كف ايديك

هداف نادر وفريد

وبفكر تملي جديد

والشعب المصري أكيد

يا أبو مكة بيفخر بيك

ربنا يا ابني يخليك

وتحني الفرحة ايديك

والدنيا بكل مافيها

تهتف وتقول شوبيك

يا صلاح يا ابن الغاليين

وحبيب قلب الملايين

شرفت المصريين

والشعب بيفخر بيك