الرئيسية » مسابقة الشعر العامى » أصعب حاجة ..مسابقة شعر العامية بقلم / جهاد محمد على بدر من مصر

أصعب حاجة ..مسابقة شعر العامية بقلم / جهاد محمد على بدر من مصر

شعر بالعامية المصرية .. جهاد محمد على بدر .. جمهورية مصر العربيه

أصعب حاجه إنك تتعود

……………………..تسمع صوتها و تلمح طيفها

وسط هموم الكون إنسانه

………………………زى نسيم الصبح تشوفها

لو سمعت سرك بتصون

……………………..لو غَدّر الإنسان ما تخون

أو هاتهون أيام ما تهون

……………………..هى أمان و القلب حنون

لما شالتنى جوا حشاها

……………………..كنت أنا عايش وسط تكيه

أيوا أنا نبت حنانك يا امى

……………………..و إنتى لقلبى أحلى هديه

عمرك عنى يوم ما بعدتى

……………………يا اللى أنا عشت بدعوة قلبك

مين هايطيب كل مواجعى

……………………..جوا ضلوعى لما أفارقك

أيوا أنا جاى أدعيلك إنتى

……………………..رب بجودك قادر تمحى

كل ذنوب الناس بحنانك

…………………….. بأمر الكاف و الحق بتوفى

زى ما كانت جنه لقلبى

……………………..زى ما كانت تحمل همى

ربى بعفوك بدل خوفها

…………………… و إجعل نورها يسرى فى دمى

نفسى أشوفها أحسن مـ الأول

……………………..وسط خيوط الشمس بتسجد

وِسط حشاش الجنه الضحكه

…………………….. عند الحوض و نقابل أحمد

نفسى أشوفك تانى يا أمى

……………………..بعدك كل قلوبنا حزينه

اللى ماشى بسكه مكمل

……………………..و اللى يقول هانعلق زينه

ناس بتطبل ناس بتهلل

…………………….. ناس على دنيا بقت موهومه

نفسى أقولك على فى قلبى

……………………سامع صوت أنفاس مخنوقه

ماشيه ما بين الناس بتحلل

…………………….وسط الدم و عامله بريئه

ناس بتكفر و اللى مسخر

……………………كام عفريت و قلوبهم جيفه

قولى يا أمى الحال إتغير

…………………….مين لقزاز البيت بيكسر

ماشى بيحرق كل الأخضر

………….. . ………جايز هو لجن مسخر

أنا باحكيلك أنا تعبان

………………………إوعى دموعك يا أمى تبان

أصل أنا واقف بين غربان

…………………….و بكره يا أمى الحق يبان

بكره يا أمى الحق يبان

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

تعليق واحد

  1. ماشاء الله روعة وذوق رفيع واحساس راقي استاذي تسلم ايدك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *