النوع / الشعر العامية
————————–—–
أصــــل الحكايــــــــة
……………………..……….
مين اللى قال الظلم
عششنا ف مداره
دا الحق مهما غاب
عاشق لأوطانه
والصبر لو يوم على
يجرفنا بطوفانه
واللى منعنا الحياة
راح ينكوى بناره
جوه السجون يتشوى
ويدوق بقى مراره
صحوا ضمير الشعوب
سلمية تبقى شعار
دم الشهيد التمن
لكرامة الأحرار
أحلامنا وقفت فى زورهم
تنده على الثوار
اصل الوجع صابهم
والخسة وصمة عار
دارى على بلوتك
ياللى خربت الدار
دا اللى رجا محبتك
راح يغضب الجبار
اصل الحكاية فساد
زى الجرب ينطر
زود قلوبنا سواد
جوانا وبينخر
يارب خللى الفجر
يطلع على ناسه
فلاح بيعشق زرعته
أصل العروس فاسه
عامل فى حقل البنا
دايما رافع راسه
وابن العلوم مجتهد
داير بكراسه
دا اللى بيزرع خير
راح يحصده بفاسه
واللى بيبدر شوك
ايه يفيده حراسه
وقت الشديد القوى
أقرب صديق داسه
داير صحيح الزمن
يشرب مرار كاسه
ويموت بنفس السبب
الغدر برصاصه
والذل يصبح تمن
للى سرق ناسه
واللى سقانا المر
داير عليه كاسه
……………………..…………………..
المشترك /
بورسعيد – مساكن السيدة نفيسة
عمارة 107 – شقة 19 حى الضواخى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
