الرئيسية » الشعر والأدب » أفضل تبعد,, غنائية للشاعر / كرم شحات

أفضل تبعد,, غنائية للشاعر / كرم شحات

……………. أفضل تبعد ………….

أفضل تبعد عنى وتقسى
أفضل تبقى غريب أو تنسى
كل أهات قلبك وكلامك
سهر الليل بالشوق وغرامك
إهرب إهجر وإكدب خبى
قبل ما قلبك يلعن حبى
وتدوب فيا ف تبقى ضحية
…………………………………… أفضل تبعد

علشان ممكن أجرح قلبك
زى ما ياما كتير شاف قبلك
بعد ما كنت بحب لقاهم
يوم ف إتنين وجفيت رؤياهم
وقدرت أقسى وابيع ف قلوبهم
واتندم على وقتى معاهم
ف انت ياريت من قبل ماخونك
واعمل إنى بقيت مفتونك

إهرب إهجر وإكدب خبى
قبل ما قلبك يلعن حبى
وتدوب فيا ف تبقى ضحية
…………………………………… أفضل تبعد

أفضل تبعد وإوعى تقرب
أصل القلب دا داق وإتغرب
قبل ما يبقى شديد وأنانى
كان فيه حب وكله أمانى
ويْا حبيب أبدا ما داربى
جرّح فيا وقادلى لهيبى
ياما عليا إتجنى وياما
قلبه إتعمد تعذيبى
واما قدرت أنساه بحنانى
فات كام يوم وقابلنى التانى
عشت معاه ورميت أحزانى
وعشقته بقلبى ووجدانى
بس ف عز الشوق واللهفة
سابنى لدمعى ودمعى ماكفى
يومها قتلت الحالم
اللى رقيق وجميل ومسالم

ف إنت ياريت من قبل ماخونك
واتْغزل ف الحلوة عيونك
إهرب إهجر وإكدب خبى
قبل ما قلبك يلعن حبى
وتدوب فيا ف تبقى ضحية
…………………………………… أفضل تبعد

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هل أتاك حديث قلبي..قصيدة للشاعر / رشيد حمانى . الجزائر

هل أتاك حديث قلبي {1} يَا حَبِيبي لا تُفَكِّرْ فِي الرَّحِيلْ ياحَبِيبِي كَيفَ تَسْلو اليَومَ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *