ط
مسابقة الشعر العامى

أكيد عشانى .مسابقة العامية بقلم / عصام محمود حسن من مصر

للاشتراك بالمسابقة
الاسم /عصام محمود حسن
نوع العمل/ شعر عامي
اسم العمل/أكيد عشاني
العنوان: جمهورية مصر العربية -سوهاج -جهينة
الهاتف:201110855784+
البريد الالكتروني:[email protected]

كانت تقولي كانت تعيد
كانت تقولي إني بعيد
كانت تدور عني دايما
في زحمة الحب الجديد
كانت تقولي إني أناني
روحت أدور عن حب تاني
أمي دي هيّ الحياه
أمي عصفور ف سماه
جاتلي مرة تقولي يابني
كنت فين أنا عقلي تاه
روحت طالع بره تاني
غرقت في بحور الاماني
جاتلي تبكي وبكاها زاد
انت فين طال البعاد
مقدرش اعيش من غير ايديك
دي الحياه بدونك قسية
دا انت عمري وكل الي ليا
روحت داير وشي تاني
هي ناقصة حبس تاني
كنت اقول روحي يلا
من غير حتي كلمة أمي
مكنتش اعرف انها رايحة
ومش هترجع ليا تاني
أمي دي كات مستعدة
تغيّر كل شئ عشاني
كانت تدور عن علاقة
تجمع تاني بينها وبيني
دلوقتي بستناها مرة
تجيلي لو حتي ف منامي
هي كانت تنسي القسية
مش لضعف لكن عشاني
طب قولولي أنا ممكن أنسي
وأنا كل ما أشوف وشي اشوفها
أشوف ملامحي الي بتحكي
قصة أمي الغالية وشقاها
يالي عندك أم لسة
اوعي تنسي تبوس ايديها
خليها تدعيلك شوية
هي دعوتها حيلتها
لو معاها حاجة تاني
مش هتستخسرها ف ضناها
مش هتستخسر حياتها
في اغلي نجم ف ليل سماها
أمي سامحيني يا أمي
هعمل اية من غير رضاها ؟
دا رضاكي يا أما دايما
كان زي الشمس وضحاها
كان يصبر قلبي دايما
ع الدنيا وعن غرورها
عن أيامي وعن حياتي
عن أحلامي الي بنيتها
أحلامي الي عشت أحاول
أوصل حتي لبعض منها
أدور فين تاني عن أم
ممكن توهبني عنيها
من غير ما تسأل لحظة عنهم
هي شايفة اني حبيبها
لو هتستخدم عنيها
مرة تانية أكيد عشاني

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى