الرئيسية » مسابقة الشعر العامى » أمى .مسابقة الشعر العامى بقلم / سليمة محمد جابر من الجزائر

أمى .مسابقة الشعر العامى بقلم / سليمة محمد جابر من الجزائر

#أمّـــي

البيت فاضي من غيرك يا أمي..
مـافـيـهـوش أمــان..
مالقيتش بعدك مين يزيح همّي..
بــلــمســة حــنــان..
آه لو تعرفي ع فراقك يا أمي..
بتبكي حتى الحيطان..

رحـت وسـبت فــراغ كـبيـر ..
مــا حـدّش قـدر يـــمـــلاه..
عــايشة دايما في الـتفـكـير.
ووشــك أنا مــش بـنـسـاه..
مـا يـخـفّـف وحـشـة الليل..
يـا أمـي غـيـر قـولـة ألـلـّه..

لولا ايماني لي ربيتيني عليه
يا أمّـي مـا كنت صـبرت..
لولا خوفي من الله لكنت..
من فـرط حزني كـفـرت..
دا حكم ربي لكني حاسس..
إني من ظهري انكسرت..

هتوحشني طلّتك ضحكتك..
لمستك ونـظـرة عـينيكي..
هتوحشني مشورتك خبرتك..
نصـايحك وكل مافـيكي..
بتوحشيني يا أمّي وحشة..
أتـمنـى تـاخـدني لـيكـي..

مين هيدعيلي بالخير يا غالية..
صبح وعشية زي دعـوتـك..
مين هيحبني كتيرويخاف علي..
قـد خـوفـك ومـحـبـتـك..
مين يسهرعشاني الليل لماأمرض..
زي ماكنت بتشفينى بلهفتك..

مين هيطبطب علي لمّا أحزن..
أو أكـــــــــــون مـــهـمـوم..
مين هـيبارك ليا لـو نـجـحـت ..
فـي شــغـل أو عـــلـــــوم..
مشتاااق كلمة ضناي أسمعها..
من ســتّ الحـبايب كل يوم..

الدنيا ياأمّي فاضية من بعدك..
يـتـيـم من غــيـرك بـقـيـت..
رحـت مـني ف رمـشـة عـين..
لا اشـبـعـتـك ولا اكـتـفـيت..
الـلـه يــرحــمـك يا أمـــــي..
ويـجـعـل لك في الجنّة بيت..

خلفت وراكي رجالة ونـسوان..
نـــامـي بــقـا مـــرتـــاحـــة..
نفتكرك ناخد بعض بالأحضان..
و الــدّمــعـة ع الـخـد سيّاحـة..
وندعيلك بالرحمة والجـنــان..
وريـحـتـك مــسـك فــواحـة..

#كلماتي

شعر عامي
الاسم :سليمة محمد خابر
الجزائر

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كنتى هايلة .مسابقة الشعر العامى بقلم / هانى فايز ياسين .مصر

الاسم : هانى فايز ياسين ٠١٠٠٢٨١٩٩٠٨ اسم القصيده : كنتى هايله شعر عامى …………………………… كنتى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *