الشعر والأدب

أنا الدرويش ..قصيدة للشاعر /رمضان العلالقة

Spread the love

رمضان العلالقة
أنا الدرويش
أنا الهايم
في حب الجيش
أعيش عاشق
و أموت عاشق
ما ليش في لعبة
ما تعجبنيش
أسبح ربي
علي سبحة
في صلاة صالحة
بلمحة افهم المؤامرة
أو مغامرة للتهميش
و موت العيش اللي جوانا
بقى له سنين
تاريخ عايشين على الألفة
و ناس شايفة
تاريخ اسنا و الهرم
و كوم اوشيم
باسم حرية واسم الدين
ناس تايهين
يبيعوا الولد و الطين
أنا العاشق لحارس أرض
لو مات في البرد
عند رب السما بيعيش
أنا الدرويش
أقولها و ما بخفيش
أحب الجيش
و أتلفلف في جيب افرول
أموت مقتول
علي حدودها
و ما أوطيش
أحب الرابط
في خندق حر
يدوق المر علي بابك
و شبابك اللي غنى
عليه مواويل
زي النيل يتهادى
على صبح جميل
ع الصبح اللي ما يبكيش
فينك يا حرية
و فين إخلاص ؟
و دبح الناس
و سيل الدم و الخاينن
أشوف عنين الغدر
أجدل حبال الصبر
ع الأيد اللي ما بتبنيش
تصلي الفجر و تتنكر
تبعتر ورد ع التايهين
باسم الدين نسينا
و ضلينا و رحنا لفين
علي الصهيوني
اللي متأمن بفتنة عار ؟
علي الأشلاء اللي تتبعتر
في وسط النار ؟
على التضليل
و القتل في سواد الليل
و فلوس تمويل
و كلام الشك و التهويل ؟
أنا الدرويش
أحب الجيش
و ارفع رايات النصر
ناكر الفتنة و مكر العصر
و لعب أبليس
اللي ما يبقيش
أتحنى بتراب الأرض
و أحمي العرض
م الغاوي و لعب الطيش
أنا الدرويش
محمي بحب الله
و الخاين عليه الله
يشوف مسواه
يغوص في ترابها
ما يرجعليش
^^^^^^^^^
بقلم / رمضان العلالقة

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق