الرئيسية » مسابقة الشعر العامى » أنا العاشق . مسابقة شعر العامية بقلم / عامر عبد السلام . مصر

أنا العاشق . مسابقة شعر العامية بقلم / عامر عبد السلام . مصر

خاص بالمسابقه

عامر عبدالسلام

الاقصر ..

01068669166

قصيدة /أنا العاشق

تعالي قبل مااحكيلك اقولك مين بيتكلم
عشان غيري هيسمعني ويتعلم
انا الجندي اللي حاميكي
ف عز البرد ف الصحرا
وانا اللي روحي علي كفي
بموت ف الليله 100 مره
انا اللي بخلص الخدمه
وبرجع تاني وسط الناس
اكون مع شعبك الطيب
واكافح لجل رفع الراس
ولو تاني ندهتيلي اجيلك قبل كل الناس
واقولك بردو انا ليكي وانا منك
واعيش خدام تراب رجلك
رح اعمل ايه ….ماانا العاشق
انا عاشق تراب ارضك
وانا اللي غسلت يديني
من جوه نيل نيلك
انا اللي عطشت في الصحرا
فشربتيني من بيرك
انا العاشق ..انا العاشق
انا السهران ف ليل عشقك
انا السامع ادان فجرك
وسارح في تــراتــيـلك
انا الهايم ف صوت المبتهل لما
…بينشد في اناشيدك
وانا التايه مابين ناسك
عشقتك والفؤاد فيكي
صبح …. نــــاســــــك
هويتك لما تيجي تدقي
اجـــــراســــك
واشوف الناس علي بابك
بتدخل جوه ..قــــداســــك
عشقتك جيش مع شرطه
وكرهتيني ف السلطه
انا منك ومن ناسك
عشقت جنود علي حدودك
يموتوا ويرفعوا راسك
عشقت انا كل دول فيكي
لكني كرهت حــــــراســـــك
انــــــا حـــــــــورس
انــــــا حــــــــــابــي
وانا اللي القلب بيحبك
من وقت كان حــــابـــي ………طفل
انا المــــــســــــلم ………..
وعمري ماهبقي ارهابي
انا اللي تعبت جوايا من الاحباط
انا اللي رسولي وصاني علي الاقباط
انا المسلم .. وعندينا المواطنه اساس
حاميكي كان حراميكي
ينادي بوحده وطنيه
ويرجع يضرب ال قــــداس
انا اللي تعبت من حبك ومن عشقك
تعبني بعد مشوارك
طردتيني من الجنه
لقيتني راضي انا بنارك
انا اتبهدلت واتعذبت
تحت الشمس ف نهارك
انا الليبرالي ويساري
وادايق بطش سجانك
انا اللحيه اللي ياما زمان
صدت ظلم فجارك
انا العاشق ..انا العاشق
اناالعاشق ولاكنتش ف يوم معشوق
ولاكنتش ف يوم معشوق انا منك
انا المقتول علي حدودك
وبفدي كل حبه رمل من ارضك
انا اللي وهبتلك دمي
ف عز ماشربوا من دمك
برغم القسوه دي منك
ولسه القلب بيحبك
بعدتي عني 100 مره
وانا جيتلك .. وحنيتلك
وقولتلك ولايهمك ..مانا ليكي وانا منك
وغصب عني احنلك ..
انا العاشق تراب ارضك
وانا ليكي وانا منك
واعيش خدام تراب رجلك

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *