الرئيسية » الشعر والأدب » أنا بكره الجديد …. شعر / م . محمد الجوجرى

أنا بكره الجديد …. شعر / م . محمد الجوجرى

محمد الجوجرى

سمعت صوته من بعيد
بيقول أنا بكره الجديد
جاى أنا .. جاى أكيد
أنا الأمل السعيد
أنا أحلام الوليد
رغم التحدى والصعاب
أنا شاقق للنور ضباب
رايتى عاليه فى السحاب
أنا للمستقبل كتاب
راحقيد فى العتمه نور
وهاشق للأحلام بحور
وهاعدى كل الجسور
واملا الدنيا بالزهور
عامل حسابى للموانع
واللى راح واللى ضايع
واللى شارى واللى بايع
واللى بهتان واللى لامع
واللى سادد طريقى
واللى بيحارب وجودى
واللى بيجوع وليدى
واللى بيموت مريضى
كله كله تحت عينى
صاحى وحاسب سنينى
كاتم ومستحمل أنينى
مراعى ربى ومتمسك بدينى
أزماتى مش مستحيله
الحل مش يوم وليله
الحل محتاج سكه طويله
لازم نواجهه واحنا عيله
بدراعى وروحى هافديها
وهاكسر كمان أعاديها
ولبر الأمان هاعديها
دى مصر ربنا حاميها
تسلمى يابلدى

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *