ط
مسابقة الشعر العامى

أنا جاى يامَّاى .مسابقة الشعر العامى بقلم / صبحى بشاى من مصر

لوجو المهرجان
خاص بالمسابقه (شعر عامي)

( أنــــــا جــــاي يــاماي)
ــــــــــــــــــــــــــــــــــــــــــــــــ

أنا مش قلت أنا جاي يا أماي
ليه تفوتيني و كيف و ازاي
أوعي تقولي ان أنا نساي
كل ما فيها بشوف شقي عمري
و بصر ف منديلي غناي
جاي محتار و بلم ف صبري
جاي بعديكي بجهز قبري
الدنيا مبقتش معاي
فاكراني و انا لسه صغير
و أنا بجري فرحان متحير
لما أبعد رجليا تخوني
الاقيكي تزعقي وياي
بس زعاقك فيه حنيه
كنتي تملي تخافي عليا
أنا فاكر أولها وصية
أسند طولك خليك شامخ
زي النخل البلدي يا ولدي
أوعاك يا ابني تخاف م القهر
إياك تقبل أيها عار
سيب الباقي علي مولاي
قبل ما تمشي خديني ف حضنك
كل الدنيا متسواش بعدك
حتي أخواتي فاتوني و راحوا
سابوا القلب يعيش ف جراحه
هو صحيح قدري و مكتوب
غصبا” عنهم حالي و حالهم
عمره الحق ما كان نساي
أدعي لربك علشان خاطري
أوعي تتوه ع الخط يا ولدي
لو باقي أيام من عمري
يرحمني و يسترها معاي

كلمات / صبحي ثابت بشاي

01226940348

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى