الرئيسية » الشعر والأدب » أنا طحَّان ..قبصيدة رائعة للشاعر / حلمى قاسم

أنا طحَّان ..قبصيدة رائعة للشاعر / حلمى قاسم


admin-ajax
“انا طحان”
*********
طحــان ودى صنعتى

على قد حالى بعيش

بسعى على لقمتى

وفــ الأونطه مالــيش

بطحن حبــــوب الخير

وابدرها قــــوت للطير

بشرب ف كوز م الزير

وبصاحب “الدراويــــش”

عاشــق جمال الكون

وبحبه كيف مـــا يكون

عشرى وطبعى حنون

وفــ الغلط ما احكيش

طحان ادى لى زمــان

مــــــن بيتنا للدكان

راضى ومــش طمعان

ولا قولت يوم ما عييش

معـــــروف لكل الناس

بالطيبه والإحســـاس

والصدق عندى اساس

ما اقبلش بالتهميش

شاعر علــــى قــدى

والفكـــره لمـــا تهل

بكتبهـــا مـــن قلبـــى

مابحبـــش التطنيـــش

طحـــان انا معلـــوم

بصحى فــ عز النــوم

اطحن اهات وهمــوم

ماليش فــ يك وشيش

ولا ليا فــ التهبيــــش

وطنــى ومصرى اصيل

مــن نبــع طمى النيل

حُبك يا بلــــــدى دليل

غيرك ف قلبى مافيش

بهـــواكى شرق وغرب

ف السلم او فـ الحرب

تلاقينـــى وقت الكرب

جندى ف قلب الجيش

خــيرك علينــــــا كتير

طفل وشبـــاب وكبير

فــ هواكى كله اسير

بعدك نروح مــا نجيش

ولسه اقــــول طحان

بطحن دقيق للعــيش
**********
قلم /حلمى قاسم

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *