الرئيسية » مسابقة الشعر العامى » أنا مين ..مسابقة الشعر العامى بقلم / علاء أبو ذكرى من مصر

أنا مين ..مسابقة الشعر العامى بقلم / علاء أبو ذكرى من مصر

قصيدة من الشعر العامي بعنوان
أنا ميييييين ؟
============
منش عَالِم بدُور ف الكون
منش عاشق فقد عقله
وصار مجنون
منش موسى ولا فرعون
منش إبليس ولا حتى
شعاع من نور
منش عَراف
ولا لابس حجاب مسحور
أنا بسمة أمل عاشقة
لنور الفجر
أنا إحساس
تموتني ليالي الهجر
أنا دمعة تسيل ع الخد
وتسامح
بتتنسم نسيم بكره
وتعشق ضحكة إمبارح
——-
تغيب الشمس وتعدي
تدور الأرض ما تهدي
وأنا موجود
أنا العنقود
بتدلى ملاييني
ومهما بعدت عن أرضي
هترجع تاني وتجيني
تلاقيني كما الجَلمود
بنغمة عود
على شطي
أروح نايم ومتغطي
وان طار الغطى مني
تملًي سعيد
ومستني هلال العيد
بضحكاية
وبرضة عشايا كحكايه
وصبري هو زوادي
أنا الماضي
أنا الأتي
أنا عايش لأولادي
وعاشق لمًة العيلة
بحب الاهل والجيرة
وداري دمعتي بأفراح
وبعشق م الاسامي سماح
بسمي عشًتي قصري
عرفتوني ؟؟؟
أنا الإنســـــــــــــان
أنا المصري

الشاعر علاء أبوذكري

جمهورية مصر العربية
المنوفية … أعمل بالسعودية

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

تعليق واحد

  1. ابراهيم محمد

    قصيده أكثر من رائعه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *