ط
الشعر والأدب

أنا وأمى بقلم الشاعر / كمال عبد الغنى

كمال عبد الغنى 2
==============
ااه وااه من عـــذاب عيد الأم
—————————-
ااه وااه من عــــذاب عيد الأم
لما يجي العيـــــد من غير أم
————————
أنا فاكـرك يامــا من غير عــيد
أنا عايـش في الدنـيـا وحــيد
أنا دمــوعي لسه على الخـد
أنا بعدك أنتي مليش أي حـد
————————-
كان نفــسي أجبــلك هــدية
أشــوف ياما الرضــا والحــنية
أغني في عيدك أحلى أغــنية
عشت ياما معاكي أيام هنية
——————————-
ااه وااه من عــــذاب عيد الأم
لما يجي العيـــــد من غير أم
—————————
أنا فــاكــر يامــــا كل أيـامــك
وحققت يامــــا كل أحلامـــك
كان نفـسي يكـــون قدامـــك
تفـرحي وتنـسى كل ألاَمــك
—————————–
هاروح على قبرك وأحكيـــلك
ومن الزمـن ياما هاشكيـــلك
ياست الكل أنا هنا بناديـــلك
هـارفع أيديه يامــا وأدعيـــلك
—————————–
ااه وااه من عــــذاب عيد الأم
لما يجي العيــــد من غير أم
—————————–

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى