الرئيسية » مسابقة الشعر العامى » أنا والحرف ..مسابقة شعر العامية بقلم / الطيب عوض احمد من مصر

أنا والحرف ..مسابقة شعر العامية بقلم / الطيب عوض احمد من مصر

الطيب عوض احمد – جمهورية مصر العربيه / خاص بالمسابقه
قصيدة ( أنا والحرف )
# مفتتح #
أرجعى مطوليش
صحي صبحك يقتل الليل
إل عشش في القلوب
يمحى الذنوب
يصحى حرفي إل انكسر
وال انسجن ما بين قوسين
تايهه المعاني في جملته بين الدروب
( نفسي أعيش )
فارجعي مطوليش
,,,,,,,,,,,,,,,,,,,
مستنيه منى الكتير
وبرغم إل ساكن ف القلوب من خوف
لساكى مستنيه أقولك بحبك
أسف أنا
معندانى الحروف
تلاقيني عاوز أقول
بس حرفي شارد جوه فكرى
خايف يبوح
خايف يسيب صدرى يطوف
يتوه فى زحمة اسئله
ميردليش
أصل حرفي ضعيف وعاجز
زيك أنت
لما تبقى خايفه من الظروف
بتنطفى كل ملامحك
وتنخرس كل الحروف
يمكن كمان حرفك يموت
ويا حرفي
ما أنا فلتلك ضعيف وعاجز
مسجون وساكت
مستني يشوف
يمكن يكون فى جواب على السؤال
وله الاجابه فى اليومين دول
زى المحال
ساكته ليه اتكلمى
جاوبيني يمكن من جوابك
ارتاح أنا
اعرف طريقي ازاى يكون
بأيديكى تنهى المسألة
متخلنيش ويا الظنون
والحرف لساه جوه منى بيسأل
قادر بأسئلته
يخدنى للجنون
مستنيانى اتكتم
انخرص زى السكات
و تشوفى جسمى فى التراب
لحظة ممات
وحرفي مرنى على الكفن
رافض يكون
رافض يخون
معذور يا حرفي لما تبقى
متسويش
أخر كلامي ويا حرفي عنك أنت
أكيد سؤال
كان فى المنام كأنه حلم
لا لا كابوس
حرفي بيسأل أذن بلال
الله اكبر
قمت جرى خدت حرفى للصلاة
ساعة القيام
الحرف ميل جنب ودنى
مد أيده قال عاهدني
لو جيت فى يوم تعاتب مصر
فى الوصف بيه كون حنين
متوجعنيش
قلتله حاضر
وقلتلك قومي ياغاليه
اتقدمى
صلى بينا
ولا أنت مش طاهرة
ومبتصليش
بقلم / الطيب عوض احمد
14/3/2016
01011103996

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *