الرئيسية » الشعر والأدب » أهى عيشة قصيدة بقلم / عونى هشام

أهى عيشة قصيدة بقلم / عونى هشام

عونى2
========
عشنا اموات
دفنونا احياء
راحت النخوه
وجات بغباء
————–
ظلموا الفارس
للجبناء
وبنترحم ع الحكماء
——————-
الاموات
هما العايشين
كله بيسمع
مش شايفين
كله يالالى
ومش فاهمين
——————
الايام
وخدانه بتجرى
حد يقولى
رايحين فين
—————–
كنا زمان
الجار للجار
عمرى ما شفته
بيضرب نار
————-
كان احبابى
اليوم ارهابى
بيفتى الفتوى
يهد جدار
—————
راحوا ولادنا
واخدوا براءه
والمقتول
عملوله زناقه
—————
طلعوا عينه
وهو فى كفنه
وحاكموا اللحاد
ليه قام دفنه
وراحوا لاهله
عملوا خناقه
————–
الغابه عايشة بقوانىن
واحنا ياناس
كلنا مجانين
نفسى فى عاقل
مرة يقول لى
عمرك شفت
اموات مساجين
——————-
التموين
كلنا خدناه
وكله يقول
الله يا محلاه
من خير بلدك
كل واتهنى
مش عجبك
ليه تجرى وراه
—————-
يابن بلدنا
الله يخليك
الارهاب
عمرة ما يحنيك
مهما يدمر او بيخرب
عمره ما يعرف
يوم يمحيك
————
اما القاضى
العادل اقولك
خلى ضميرك
هو قانونك
احنا نحبك
وراح نصونك
لو يوم كانت
الشمس قويه
حب قلوبنا هيكون ظلك
———————
وانتى يا شرطة
فيكى املنا
خلى قانون
الرحمه بعينك
المظلوم تكونى وياه
ع الظالم المولى يعينك
واحنا نروح بامان لعملنا
———————
اما الجيش المصرى
دا روحنا
يحمى حدونا
يصون ارواحنا
واقف سد
منيع بجنوده
وبفوقنا لو يوم دوخنا
———————–
وانت يا عامل
خليك عامل
مد ايديك للفلاح
تاخد منه
تشغل مكنك
تزرع لنا نور
كل صباح
—————
نفسى نعيش احياء
لو يوم
فيه الشمس
ما فيهش غيوم
—————-
فيه العدل
راياته كبيرة
فيه الظلم
ايادى حقيرة
فيه انسان
عايش انسان
ولا فى بينا
غراب او بوم
—————-
بس ياريت
الحب يعود
ويا ضمير
كان يوم مفقود
وان مارجعتش
هارجع اعود
واعيش كالموتى :::
يمكن يوم ارجع مولود
==========
\\\عونى هشام\\\

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *