ط
مسابقة الشعر العامى

أوجاع ..مسابقة الشعر العامى بقلم / عماد حمدى أبو مازن

عماد حمدي أبومازن
01116631065
مصر

قصيده عاميه

( أوجاع )

ليه بشباكك تأسر عيني
وتخطف مني الدمع
تهز القلب بضئ حنون
سحرك صاب العقل جنون
كتف فكري ف رسم ملامحك
ع الغيابي مكنش حسابي
أقعد قدامك
فوق السحب العاليه أتخيل
المدفون في جمالك بين
شكل الضلمه وشكل النور
متعشم برجوع الدمع
يروي نبات الأرض عزيمه
يأكل منه الزند القوت
وأروي عيالي بكرم ربي
ومين غير ربي بأيده السد
دا سيل الدمع ما يكفيش
علي جسمي اللي قسمتوه
وكلتوني م كفاشي
ردمتوني بتراب النفس
وأنا المدوفون ف أوجاعي
ونفسي الحضن يرويني
يزيد العشق يتكاتر
ويولد لك كلام يتحس
من قلمي يوفيكي
حنان قلبك متتهزيش
هادورلك في بحر الكلمه
علي ميه تسم الحوت
دا نار الشمس مش وصلاه
و قاع الحلم مش حاسه
خايف أحسه وأتشعبط
بضوء كداب ميسحبنيش
وأموت مدفون بأوجاعي
وأكون ذكري حدفها الموج
ومين يسمع في موت الصوت

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى