الرئيسية » الشعر والأدب » أُشطبيني..قصيدة بقلم / صفاء عبد ربه

أُشطبيني..قصيدة بقلم / صفاء عبد ربه

13177911_1700016050249352_8708874007509713576_n
*******
أُشطُبيني

أُشطُبيني من حياتك
وأُشطُبي كُل أمالك
إللي ياما إتمنِتيها
وماتعِشيش تاني الخَيال
أُشطُبي الحِلم الجَميل
ماهو دا رد الجَميل
إنيِ إشتَريتك وتبِعيني
إن تكوني المستحيل
أُشطُبيني

وأُشطبيني وبكفايه خد وهات
أُشطُبي عُمري إللي فات
وأُشطُبي مَعاه الذِكريات
إللي دايماً بِتفَكَرني بِيكي
أللي مرسومه بعينيكي
وأُشطُبي أيام جَميله
عيشناها سوا
كات مُستَحيله
أُشطُبيني

أُشطُبيني من حياتك
أُشطُبي ياحِلم عُمري
أُشطُبيني ياحِتَه مِني
أُشطُبي ماتِترَدِدِيش
وتقولي مَعَاكِ أنا
أنا كان نِفسي أعيش
الكلام دا خَلاص
خَلاص مايهِمِنيش
أُشطُبيني

أُشطُبيني وماتخافيش
دا مَهما إن شَطَبتي ياحبيبتي
بَردوا إنتِ ماتِتنسيش
وعِلي ذِكراكي أنا راح أعيش
أُشطُبي يانِجمَه في السَما عاليه
أُشطُبيني إنتِ ياغاليه
أُشطُبيني يادُنيا تانيه
أُشطُبي وماتخافيش
أُشطبيني

أُشطبيني ورَغم بُعدِك راح أعيش
وإن مِرضت ولامُت
عَليا ثانيه ماتِحزَنيش
وماتقوليش معاكِ أنا
أنا كان نفسي أعيش
أُشطُبيني وما تخافيش
ماتِترَدِدِيش
أُشطُبيني

بقلمي / صفاء عبد ربه

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الجزائر والمصاب الجلل .قصيدة للشاعر محمد ماجد دحلان.( شاعر الصومعة) فلسطين

قصيدة (((الجزائر والمصاب الجلل!!!!!))) طائرة تسكب الموت على ارض الجزائر تعلو اصوات الثكلى والحرائر  تفتح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *