الرئيسية » الشعر والأدب » إبليس العاطل ..قصيدة للشاعر / علاء الدين على

إبليس العاطل ..قصيدة للشاعر / علاء الدين على

إبليس العاطل
*****
وقع الشيطان
من كيدها كان
ألفين ملاك
بيدُور على
كل الخلايق وشوشة
بالإلتزام . ويا الصلا
مش قصده خير
يقصد فشلها ف سكته
نسي إن من طبع النسا
تخرج ويبقى
فوق جبينها مسكنه
شربت بعينها شغلته
وإتعلمت
كل الفنون للأبلسة
قادرة بكيد
عظمه رب العلا
تقلب المعدول بفن الشيطنة
ويبان كمان إنه العدل
جالها إبليس يتفق
على إن دورهم يتقسم
ضحكت عليه
سابت له ضعفاء النفوس
مش محتاجين الوسوسة
واللي فضل م الأنقيا
حواليها شهدوا إنها
ملاك ف صورة للبشر
واحد فلت
لكن أثارها هدته
محتاج لزار
وهناك لقي
عايزين خروف راح يندبح
كش وهرب
ماهو كان أسد
سلملها
قدرت عليه أصبح خروف
يتمنى لو يرجع كما
قبل الغواية لدنيته
راح للشيطان
عشان يعينه يهدها
لقيه بيشحت ف البارات
حبة طاعات
عشان ما يرجع يشتغل
من كيدها جننت اللعين
بتعمل إيه ويا البشر
****
كلماتي /علاء الدين علي

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

أشفق عليك ياقلبى .خاطرة بقلم / إبراهيم راضى

أشفق عليك يا قلبي المسكين……. أشفق عليك من كثرة الألام كل وقت وحين….. أشعر بأنك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *