الشعر والأدب

إحنا الصحاب طول عمرنا.. قصيدة بقلم محمد حسن عبد العليم

إحنا الصحاب طول عمرنا

اخوات حبايب كلنا

وقت الشدايد في اتحاد

ماشيين بتوفيق ربنا

فينا المحاسب والمحامي والرياضي مننا

فينا المهندس والطبيب والمؤلف عندنا

فينا اللي شايف بكره حلو

واللي شايف ضلنا

فينا اللي عارف ايه هيعمل واللي عايش صهينه

في ليله كانت كالربيع

الجو كان حلو وجميل

قاعدين نودع في الربيع والضحك كان بيننا دليل

رن الجرس على حد قاعد وسطنا

رد الكلام لقيناه صديقنا وزينا

عمال يقول اخويا تعبان والنبي

روحوا شوفوه ف جرينا روحنا لحينا

لقيناه في دنيا غايب ومش حاسس بنا

فتحنا عينه فتح ونام مننا

قلنا خلاص بكره في نهارنا يكون بخير

طلع النهار اعلن رحيله عننا

وخسرنا واحد مننا

اسمه محمد كات ضحكته فوق قلبنا

وصوته لما ينادي حد تلاقينا حواليه كلنا

ومن ساعتها عشنا الحقيقة مع بعضنا

ان صاحبنا اعلن وداعه وراح لرحمة ربنا

يارب انت أحن عليه مننا

يارب خليه مطمئن على ولاده في وسطنا

يارب خليه في رحمتك انت حبيبنا ياربنا

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق