الشعر والأدب

إضحك..قصيدة للشاعر / محمد البدراوى


إضحك

للشاعر محمدالبدراوي

 

ضحكة بصوت مخنوق

ولازم منها تفوق

إرميها يلا وراك

عشان الدنيا تروق

 

واضحك

 

حياتك مجرد لحظه

ياتفرح فيها ياتموت

إفرح وعيش اللحظة

واضحك وعلي الصوت

إضحك ومن قلبك

 

إضحك

خلي الضحكة تملى حياتك

عبر يلا فيها عن ذاتك

تلقى الدنيا حلوه وسيبك

سيبك م اللي عدا وفاتك

 

اللي عدا خلاص إنساه

ماضي وراح والحزن معاه

مات بجراح كانت جواه

إنسى إمبارح يلا إنساه

واضحك

 

داوي كل مشاكلك داوي

قبل الشر عليك مايحاوي

ويخليك شراني وغاوي

زي شيطان ف الوسوسه هاوي

إنس الهم وعيشها ياعم

دي الدنيا عند الله متساوي

إضحك

 

إحلم واضحك وافرح تاني

عمر الفرح ما يبقى أناني

قولها بكل شجاعة من قلبك

يلا يا هم ابعد وانساني

 

يلا يا هم ابعد وانساني

إضحك

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق