ط
الشعر والأدب

إعتذار..قصيدة للشاعر / طارق الدسوقى

طارق الدسوقى

————————————–
إعتذار من كل قلبي
إني يوم خدت القرار
إني أكون دايما مضحي
باللي غيرلي المسار
إعتذار إني بحبك
أو في يوم حسيت بأنك
كل ليلي والنهار
لو كنت أعرف ان عمري
عدى مني قبل ما
تاخدي القرار
كنت أقولك وقتها
مهما تخوني أو تقولي
أي كلمة تخُصِّي فيها حبنا
وزمان وحلم يضمنا
كله ركام كله دمار
وحتى شوق قلبي لها
بعد ما نصبت فخها
وسقتني نار من غدرها
كان ردي إنه كلام هزار
ما كنت أصدق
إن بعدي عنها
يكون مصيره الإعتذار
إعتذار إني في يوم
صدقتها ووعدتها إني لها
مهما طال الإنتظار
وبقولها أخر كلام
من قلب حبك
وانتهى منه الحنين
والشوق صبح بستان أنين
إني ندمت ندم كبير
على كل كلمة قولتها
زادت في قلبي ودمعتي
مرار كتير بعد ما فات القطار
إقبليها بحب مني كلمة واحدة
إعتذار
———————————-
بقلم الشاعر طارق الدسوقي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى