الشعر والأدب

إلا أبو بيادة للشاعر مدحت عطية

مدحت عطية

مفيش شعب
يكره .. جيشه
ما بالكم لو كان الجيش
جيش .. مصر

مفيش خباز
يرمى .. عيشه
إلا لو عينه
على كرسى .. وقصر

جيشنا ربنا
فى كتابه .. عَزه
وأنت قال إيه
جاى .. تهزه

مارد قمت
تغزه
بيت بحيطان
وأنت .. فى عِزه

أبو بيادة
قَلَب الترابيزة
زى العادة
طلع متعرفش منين
وخلى أتخن
عنتر فيهم .. غادة

أبو بيادة
حُب الوطن
عنده .. عباده
مُش زيك
أقولك علم
أقول نشيد
ألقى .. بَلادَةَّ

لو تعريه
مين هيغطيك
مين هيخش
بصدره
يداريك

لو جيت عليه
مين يحميك
مين هيموت
ويغرف حياة
بإيده .. ويديك

ياكاره أبو بيادة
أبو قلب أبيض
سادة
أنت إلـ قلبك فيه
نقطة .. وسواده

أنت إلـ جايبينك
لأحلامهم .. داده
لا يهمك بيت
لا يهمك أرض
ولا سيادة

ده هو إلـ
بنجريله
وقت التراب
مايغطى .. وشوشنا

يحضن يطبطب
علينا
ويزين بالحياة
نعوشنا

هو .. نفس الحوجة
لعيشنا
هو .. قصاد العالم
جيشنا

مدحت عطية

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق