الرئيسية » مسابقة الشعر العامى » إلا ف هواكي..مسابقة الشعر العامى بقلم / معوض حلمى من مصر

إلا ف هواكي..مسابقة الشعر العامى بقلم / معوض حلمى من مصر

:: إلا ف هواكي ::
~~~~~~~~~~~~~
ف الغربة حبة شجن ..
وحلم اتسجن ..
إلا ف هواكي
واقف ورا الشباك
أحلم أشوفك ..
واشوف الحنة ف كفوفك ..
واشوف الكحل بتعاجب
على رموشك ..
ونسمة عصر
بتهفهف على توبك ..
ونسيت انك هناك ..
واقفة ورا الشباك ..
بتحلمي زيي ..
تشوفيني وانا معدي ..
والشامة على خدي ..
مين م البشر قدي ..
وحبيبتي واقفة هناك ..
واقفة وراالشباك ..
ف خيالها رسماني ..
نسيت كمان زيي ..
إن انا مسافر
بعيد وبينا سور ..
وان الزمن بيدور ..
والعمر بيعدي
سنين وراها شهور ..
إمتى ياليل الأسى
تنزاح واشوف النور ..
ف الغربة حبة شجن ..
وحلم اتسجن ..
إلا ف هواكي ..
إلا ف هواكي ..
~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *