الرئيسية » الشعر والأدب » إمسك حرامى ..قصيدة للشاعر /آسر فاروق طرباى

إمسك حرامى ..قصيدة للشاعر /آسر فاروق طرباى

اسر فاروق
حداشر حداشر
حداشر حداشر هننزل بجد
هنعمل مظاهرة وهنلم حشد
عشان الدولار وام الخضار
دي عيشة تطهق زهقنا بجد
عندي بس كلمة لكل اللي نازل
وفاكر بإنه نازل يناضل
وان الدولار هيبقي بجنيه
وان الخضار هيعلن تنازل
وهيبقي فيه لحمة ببلاش
وسكر وزيت ويبقي انتعاش
واقتصاد بيعلا ونعلا معاه
وناكل ونشرب ونضرب طناش
اقول لسعادتك بإن الدولار
هيعلا ويعلاو هيبقي نار
هيبقي خراب ومر وعذاب
لما هيفلت سعر الخضار
تموت الغلابة تعيش الديابة
لا ثورة هتنفع ولا أي حاجة
ويجي عدوك يسيطر عليك
ويؤمر وينهي وتبقي التهاية
فكر تساعد وطنك بإيه
عشان بعد نومك تصحي تلاقيه
فيه ناس كتيرة تتمني عيشتك
وطنك ف ايدك حافظ عليه
شاعر الوطن /آسر فاروق طرباي

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

لن اعشق غيرك بقلم / محمود الفقى

لن أعشق غيركِ …………………………….. لــن اعشق غيـــــــركِ….اتعــــلمِ لمــــــاذا ؟ ليس لانني ما زلت اعشقـــــكِ ! …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *