الرئيسية » مسابقة الشعر العامى » إنتفاضة عشق .. مسابقة شعر العامية بقلم / محمد مفتاح عبد الحميد من مصر

إنتفاضة عشق .. مسابقة شعر العامية بقلم / محمد مفتاح عبد الحميد من مصر

محمد مفتاح عبدالحميد -القاهرة 01113332019 -01003428490 موبايل
انتفاضة عشق
شعر عاميه
وابتدا حبك يروض قلبي
يوم ورا يوم وسكنه
رغم احساسي بحبك
جوه مني وكنت ساجنه
وانتفض م العشق قلبي
قال وصرحلك بحبي
كنت حاسس جوه منك
ألف ضعف لعشق قلبي
فاض في قلبي العشق ليكي
رغم كل البعد بينا
قلبي أنا عاشقك شاريكي
حتي لو يوم ما اتقابلنا
كل حاجه لسه باقيه
لسه ساكنه جوه مني
باقيه ذكرى
باقيه ضحكه
في عز همي
سابقه سني
أنتي عندي حلم الأماني والتمني
حبنا ماهوش قصيده
تسمعيها او رواية
حبنا كلمة بسيطة
شايله مية مليون حكايه
مهما أقول مليون بحبك
برضوه ليكي مش كفايه
حبنا أكبر واسمي من الكلام
حبنا يعني نور وسط الظلام
أنتي عايشه جوه مني
أنتي للروح الكيان
مهما كنتي بعيده عني
جوه قلبي فيه مكان
لسه باقي مستنيك
غيرك أنتي مالوش مكان
بعد طول اللإنتظار
قلبي أصدر القرار
قالي تعشق
قولت أعشق
مش بإيدي
ما كانش ذنبي
العشق كان شئ
حكم قلبي
وكأني مسلوب الإرادة
قلبي لما عشقك ثار
وأعلن العشق انتفاض

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *