إنتو مين؟!!
أي مله وأي دين
لمَّا فجَّرتوا الكنايس قالوا لازم مسلمين
جيتوا فجَّرتوا المساجد
اللي راكع
و اللي ساجد
تبقوا مين؟!!
تبقوا من غير مله اصلاً و لَّا دين
تبقوا صنف كلاب حقيرة و سعرانين
عاشقة لون الدم ملة
عاشقة وجع القلب دين
غاوية تغرس فتنة بيننا
عايزة يفضل فينا ( س)
تبقوا مين؟!!
تبقوا صنف كلاب حقيرة و سعرانين
نام يا مسلم و استكين
و اوعى من إياك نعبد
و لَّا إياك نستعين
و الصراط المستقيم
فيها ايه لو نبقى كفرة و ملحدين
مش ضروري موحدين
يالَّا بينا نعيش خليط و مهجنين
فيها ايه الأرض واحده
أقصى مين
هنحاربكم مخلصين
تبقوا مين ؟
الكلاب السعرانين
اللي عاملين مظلومين
و هما قتله ظالمين
زي أهل الكهف نمنا
زي تيه الأربعين
و العيون مترصدين
تفتكر بحر البقر
و لَّا ناسي دير ياسين
و لَّا شوف صابرا وشاتيلا
دول شهود
حق اليقين
و لَّا ناسي
يبقوا مين
الكلاب السعرانين
اصحى يامصري وقول لنا
يعنى ايه تفجير وقتل وضرب
في بيوت ربنا
إياك تقولي دول أقباط مننا
ولَّا مسلمين زينا
شهدوا وصلوا
صاموا ولَّا جُمْ يزكوا بدمنا. #ابراهيم_الشابورى
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
