أخبار مجلة همسة

سعيدة جمال المغربية .أتمنى ان ينطلق صوتى من خلال مهرجان همسة القادموسط النجوم تكريم المخرج يسرى نصر الله فى مهرجان الأقصرعندما بكت ليلى علوى فى مهرجان الأقصرمحمد شرف يغادر العناية المركزة والأب بطرس دانيال يهديه آيات قرءانيةجانجاه ..شقيقة سعاد حسنى .ماذا بعد استغلال اسم شقيقتها الراحلةدار همسة للنشر تتألق بأكثر من 35 إصدارا فى معرض القاهرة للكتابوفاة الفنان أحمد راتب إثر أزمة قلبية مفاجئةوداعا زبيدة ثروت قطة السينما ورحلت صاحبة أجمل عيونمجلة همسة تطلق شعارها لمهرجان العام القادم ويحمل اسم سمراء النيل مديحة يسرىبالصور السفراء والفنانون فى احتفالات الإمارات بعيدها القومى بالقاهرةهام لكل الصحفيين الشباب والصحفياتاللمة الحلوة ” يحتفل بميلاد جارة القمر الـ 81الإمام الأكبر د. أحمد الطيب الأول عالميا فى قائمة أكثر المسلمين تأثيراألبوم صور مهرجان همسة الرابع كاملاخمس حلقان من مسلسل الزعيم على النت فى واحدة من أعنف عمليات القرصنة

إيه يابلدي ..مسابقة الشعر العامى بقلم / أحمد محمد هلال من مصر

Share Button

إيه يابلدي
أحمد محمد هلال( محافظة البحيره )
(من بحر الرمل )
خاص بمسابقة همسة
ــــــــــــــــــــــــــــ
إيه يابلدي عاوز أقولك
هو ليه الكل هانك؟
وأنتي ليه ساكته ياغاليه
هو مين لجم لسانك؟
هو ليه الحزن عشش!
ولا ساكن بين جِنابك!
هو أيه خلاني ساكت
ولاصابر غير جَنابك
قولي ليه إني بحبك؟
ولا دايب في حطانك
هو أنا اقدر أفارقك
أو أفارق يوم بيبانك
هل عشان دمك بيجري
جوه قلبي ؟
أو لإني نبض عاشك بالألم
من صغر سني
أعذرينى لو لقيتي صوتي طالع
ويناديكي
أعذرينى انى بحبك
بنتظر لمسه إديكي
مستحيل أبعد يابلدي
بعدي عنك فيها موتي
مستحيل أسكت وأسيبك
أصل موتك من سكوتي
مستحيل أهرب يابلدي
أه بقولها بأعلي صوتي
دانتي حبك جوه غنوه
تنعزف لحن فـــ حياتي
دانتي صابره عــ البلاوي
من اللى ناوي فيوم يزلك
أنتى طبعك أيوه صابره
كله يعرف أيه حكايتك
كلمتين بيني وبينك
أنتى ليه كل القلوب متشوقالك
هو دا لطيبة ولادك
ولا يمكن لجل أرضك أولزادك
نفسي أشوف فيكى سلامك
نفسي أحضن يوم ترابك
وأطرز الفرح ف عبايتك
وألبسك أجمل عروسه
وأسعدك وأنول حمايتك
قولى يامه هما ناسك
ليه سابوكي وحرقو دمك؟
أحنا عاوزينك سعيده
وهما سحبينك لهمك
أحنا جواكى الغلابه
أحنا منك
ياما عشنا كل غمك
قلبي حسك
أيوه حسك
دأنتي جوايا ف عروقي
أطلبينى هتلاقيني
بين غروبي أو شروقي
واللى طالبينه ياغاليه
أنك إنتى فيوم تفوقي
تعرفي مين اللى خانك
ضاع معاه أبسط حقوقي
أسمعينى أوام ياغاليه
أفهميني
حسي بيا و بوجودي
أصل قلبي حته منك
وأنتى محرابي ف سجودي
أصل لوني تراب لأرضك
وأنتى ترنيمة خلودي
ياللى ساكنه جوه منى
راسمه نفسك فوق حدودي
أسمحيلي أبوس ايديكي
وأمسحى الدمع ف خدودي
وأبقي قولي إنى طيب
حتي ف غيابي وشرودي
بندهو يجري عليا
عمره يوم مافارقني ثانيه
حرر الأرض بدماه
يبنى ويعلي ف سدودي
وأسمعينى يا حبيبتي
حفضل أحمكي بروحي
حتى لو كانت حمايتك
فيها موتي

Share Button

تعليقات

تعليقات

همسه 2017/01/04 3:25ص تعليق 0 85

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *