ط
مسابقة الشعر العامى

قصيدة : تحت الهدف . مسابقة الشعر العامي بقلم / طلعت سالم

طلعت سالم
تحت الهدف

————

من بين شـــــــــــــقوق الأرض

طالع نخله فى وسط الجفاف

ضارب جدورى كلها ف أرض الزمن

والقلب ما بيـــــــــــــعرف يخاف

رافع جريدى للسما والعود صمود

العود خلود .. قصه لأجمل ملحمه

والتمر خارج م اللسان لولى وفضه وكهرمان

بتلالى دايما ضحكته زى الادان

يشبه ف كامل هيئته أيام زمان

أيام ما جمّعنا القدر شمس وقمر ليلة زفاف

أنا مش باخاف مهما الرياح هبّت

وهزتنى العواصــــــــــــــــــــف

تلقينى زى النخل واقــــــــــــف

ما تهزنيــــــــــش ف الكون صعاب

ويهزنى ظلم البشـــــــــــــــــر

ما يهزنيش حجــــــــــــم العذاب

ويهزنى حـــــــــــــــــزن القمر

ما يهزنيش قلب الضــــــــــــباب

وتهزنى دمعة يتامى ف ليل ضعاف

ويهزنى اللى احنا فيه م الإختلاف

يامسلمين ليه الخلاف والإختلاف؟

إتوحدوا ضموا المشاعر والقلوب

تحت الهدف ..تتسيّدوا عرش الغجر

عرش اللى غاويين يفسدوا ويهددوا

ويشرّدوا ويشوهوا وجه القمر

بس المهم تحددوا من فين ؟ وإمتى ؟

تبتدوا .. إتوحدوا .. إتوحدوا

ما توحدووووووووووووووووووووا

————————————-

شعر طلعت سالم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى