الرئيسية » مسابقة الشعر العامى » أكتوبر.مسابقة العامية بقلم /موسى كامل موسي من مصر

أكتوبر.مسابقة العامية بقلم /موسى كامل موسي من مصر

ا

لاسم /موسى كامل موسى
العنوان/عين شمس

نوع القصيده/عاميه
قصيده بعنوان/***اكتوبر****
سنين فاتت على زكراه
وما نسيناه
ومهما العمر عدا وفات
وحكى لينا الزمن حكايات
ماعشنا الفرح
وما دقنا حلاوه النصر ..غير وياه
اكتوبر…ياساكن قلبى وفروحى
ياعزى ياداوى لجروحى
يامصر اتباهى بيه دايما
…………وﻻتنسيه فى عز الاه..
مين فينا ماتمناش فى يوم لو انه كان م اللى عبر
وبنصره يتباهى فى قلوبنا او بالشهاده يفتخر..
فى اكتوبر وف شهر رمضان اللى فات
قبل اللى فات قبل اللى فاات
اكتر من 40 سنه زكريات
كان العدو بقالو 6سنين على ارضنا عامل ثبات
وفرش وريح عندنا
واتغطى بالخط اللى قالوا عليه م المعجزات
..بارليف ..بالنسبه ليهم كان حما
كان اهم الانجزات
وقالوا سينا صبحت ملكنا
خيرها خلاص من حقنا
ونصبوا فيها معسكرات
وقاموا فيها منشأاات
اعداد كتير م الدبابات والطيرات ..كل الحاجات والمحتاجات….ونابالم تحت الردم متعبى ف صاجااات
فاكرينا هانخاف نترعب وهانرضى
بمرار السكات
علشان كده يوم 6اكتوبر “”قال السادات”””
يامصري وقت النكسه فات
رجع لبلدك عرضها
عرف اعاديك كلها
مين هما اهل الاهرمات
سمعوا الولاد صوت الجبل
خلوا الغضب يملا الساحات
دقوا طبول حرب الامل
رسموا على الدنيا حكايات
ومافيش ساعات
خط بارليف العظيم.. اصبح رفااات
كوم التراب اصبح ثراب
وكانه شخص جبان ومات..
تكبيره من صدر الجنود
ضربت على الاعداء برود
وبعزم فاق كل الحدود
عبروا باأعلام الصمود
فكوا القيود رفعوا الرايات..
الصاعقه رسمت ملحمه
جوى ومشاه
ومظله نازله م السما
ومهندسين صنعوا الطريق للدبابات…..
بركان وثار عز النهارطردوا الافات
ردوا الكرامه للوطن والنصر أت
وبفضل ربى وجهدهم جيش اسرائيل
قلبم بنات
قال ابن عبد المطلب
افضل جنود من غير عجب
كسروا غرور المغتصب
يامصر اوﻻدك جواهر
………..كتبوا التاريخ بحروف دهب ..رفضوا السكات
…………
بقلم الشاعر موسى كامل موسى

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *