أعمل ايه؟…شعر عامي
خاص بالمسابقة
ولأني بعاني نسياني
من زمني و هو سجاني
تعبت كتير من الغربة
و وقعت أسير لأحزاني
و أعمل إيه؟! ما أنت الجاني!
أعمل إيه؟! في وجداني!
لساك في القلب ملاك
وعيونك هي أوطاني
و الدنيا تدور بأحلامي
داير ميدور أيامي!
تفرض حضور لآلامي
تعتب و العتب أصله كلامي!
و أعمل إيه؟! ما أنت الجاني!
أعمل إيه؟! في وجداني!
لساك في القلب ملاك
وعيونك هي أوطاني
لسه الحياة معنداني!
وطعم الآه مالي كياني!
و الليل بآساه غطاني
و القمر تلاه ناسي حناني
أزاي أنساه وهو زماني؟!
يا دمع المواساة لف تاني
و أمسح الآه من على جدراني
بس أعمل إيه؟! ما أنت الجاني!
أعمل إيه؟! في وجداني!
لساك في القلب ملاك
وعيونك هي أوطاني
