الشعر والأدب

الاجتماع مش سهل..قصيدة للشاعر / محمود جودة

حنيت وحنت والاجتماع مش سهل

ضليت وضلت وافترقنا بجهل

كان ايه لزوم البعد وزيادة الوجع

انا شاب شاب اصبح بيشبه كهل

اتنين وسابوا رغم القلوب عاشقين

زاد الجفا والبعد ف تشرلين

حنت قلوبهم للقا

بعد اما فات سنتين

60 رساله و100 مكالمه كمان

رفضت ترد وهانت الانسان

دلوقتي جايه بتشكي من الحرمان

وتقولي انسي اللي كان قد كان

يوم ما افترقنا انا سيبت ايدي متبته ف ايدك

علشان تحسي بحبي ف وريدك

لكن ثقتي راحت هباء منثور

ازاي هوافق علي اللقا وانتي اللي ارضك بور

الهجر بيقسي ويقل نسبة السماح والعفو

والعفو مش للجارحين عن عمد

وانا قلبي دمه سال بسكينك

ازاي اسامح وارجع اقول فينك

منكرش حبي ولا هلعن الايام

ولا همشي درب عشان تقولي سلام

ولا هكتبك كام نص

انتي يا دوبك فترة فيها الالم كان رص

فمتطلبيش العفو عشان من الشعر اكتبلك

ان كان علي الشعر ف انا بكتب

لحب حقيقي مش بكدب

لكن ممكن اجيبلك نص

تشوفي جمالها لو بكدب

تقارني شعرها بشعرك

تشوفي نقائها ف الابيات

انا فعلا كتبتك شعر

لكن قلمي ده كان هباد

وساب الهبد يوم سيبتي

كدبت وانتي ما كدبتي

في شرع الحب

انا سايب منيش متساب

طلبتك لاجل تبقيلي

رفضتي وقولتي يا ويلي

شافتني عشقها جهرا

وطلعت بردو من جيلي

ف سامحيني عشان بعدك فتح عيني

عرفت ازاي اكون كسبان

دنيا تدور وده ديني

هرده ومش هكون ندمان

ف شكرا للي حبيتها وفارقتني

عشان جلبتلي حظ سعيد

وحب جديد

وبنت تحبني لكوني

وبيها سعيد

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق