الرئيسية » الشعر والأدب » الافعى ..قصيدة للشاعر / محمود عبد الله

الافعى ..قصيدة للشاعر / محمود عبد الله

11150745_783971818367586_6898749773472099014_n
بقى بعد ما بخيتى فى سمك
والسم بقى يجرى فى دمى
والدم اتعود على طعمه
والقلب اتوسع شريانه
واتوجع من ضمه جسمك
واتلوا كتير من اوجاعه
وبيشرب من قسوه حضنك
وقبلت الحضن بجباروته
رغم سكوته
الصرخه بتصرخ جوايا
عايزه تنز من الاوجاع
بس القلب صبح مشلول
اقنع نفسه وقال معقول
يمكن ده يكون برهان حبك
والضمه الجامده تكون مدلول
…………………..
عايزانى اتفرج على غيرى
وانتى بتتلوى كما الافعى
واشوف اللحظه اللى تبُخى
فيها لغيرى اول دُفعه
وافضل مستنى وبراقب
واشوف مفعول سمك فيه
واشوفه جايلك بإرادته
ويقولك ادى قلبى ذيديه
ادينى كمان ولو جرعه
الجرعه الاوله ماهيش نافعه
ذيدينى كمان ولو دفعه
ويتمنى اللحظه اللى يلاقى
جسمك ملفوف حواليه
وبجباروتك تعصرى فيه
والاقيه خلاص ادمن سمك
ويجيلك فارد درعاته
ويقنع نفسه ان البخه
هى اللى اديت له حياته
……….
مش هفضل واقف واتفرج
على غيرى هيموت يراضيكى
والم الفارغ من سحرك
واتفرج على دفعه جديده
تتخرج تانى على ايديكى
انا هطرد سمك من جسمى
وهبوخ السم ده فى عنيكى
وهسيبك افعى بتتلوى
مرميه فى ورشه نجار
مش شايفه قدامها ضحيه
راحت لفت على منشار
وتذوقى من نفس الكاس
كاس الشهد بطعم مرار
كلمات محمود عبدالله
31/7/2015

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

“نجوم المجتمع” و”المشاهير” فى عيد ميلاد “دينا الشايب”

  احتفلت سيدة المجتمع ” دينا الشايب” رئيس نادى روتارى كايرو هايتس بعيد ميلادها وذلك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *