الرئيسية » الشعر والأدب » البهايم فى بلدنا …من اروع ماكتب الشاعر / عطية شواش

البهايم فى بلدنا …من اروع ماكتب الشاعر / عطية شواش

عطية شواش
في العارضه

البهايم في بلدنا
صنف واحد مش كتير
نصهم قاعد يمأمأ
لما بترد الحمير
ربعهم قاعد يفأفأ
تمنهم رد الشخير
تسعهم راكب تكاتك
لبسهم ناقص أساتك
أكلهم ناقص شعير
الدماغ فاضيه وعفيه
يرطعوا جوه التكيه
مصر يامه ياااااغبيه
اعجنيهم في الفطير
إعجني وادي الغلابه
والعني أم الطيابه
الملك زي الكتابه
إخلعي رجل السرير
نيميهم ع المصاطب
واخلعيهم م المكاتب
واحرميهم م الرواتب
حطي في لسانهم غفير
مصر مش ناقصه الهيافه
والمعفن والجوافه
واللي بيقول الخلافه
طالعه من جيب السفير
ياسفير الامريكاني
مصر مش هي الأغاني
لو بتفهم في المعاني
قول لهم ..مانت الكبير
مصر ياما كت في أزمه
بس عاشت قمح … حزمه
دمنا مش فيه بلازما
دم حامي مش ضرير
الضرير عو اللي عايز
الكراسي والجوايز
والخلاصه في القزايز
يشربه زي العصير
كيلو سكر يابهايم ؟
ولا وقفة جندي صايم
مات وبتلموا الغنايم
عند معدوم الضمير
تركماني أو إيراني
ولا مسحوق الأواني
إنت عايز لحمه ضاني
وانت نايم للأمير
جيشنا واقف ع السواري
واحنا بنعبي المجاري
شعب عايز إستشاري
نسأله إمتي نغير
نسأله فين الحماسه
كلنا فاهم سياسه ؟
عدي من خورم الرصاصه
وش فحم ف وش جير
البهايم في بلدنا
صنف واحد مش كتير

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هل أتاك حديث قلبي..قصيدة للشاعر / رشيد حمانى . الجزائر

هل أتاك حديث قلبي {1} يَا حَبِيبي لا تُفَكِّرْ فِي الرَّحِيلْ ياحَبِيبِي كَيفَ تَسْلو اليَومَ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *