ط
الشعر والأدب

وقت فات ..شعر نبطى ليبى للشاعر / صالح رجب

صالح رجب
ماضي قديم وصار دكريات
حبك مع الايام وقت فات.
خلاص انسيني ..
لا عاد نبي انحب لا تحبيني.
عانيت واجد ما الغلا فكيني .
يكفيه قلبي مانظر سيات.
وانسي غرامي ولهفتي وحنيني.
وانسي كلامي احروف مش كلمات.
ولوكان صدفه في الحياة اتلاقيني.
ارجوك يبقي الجو رسميات.
وياريت عينك ماتجي في عيني.
خايف عيونك تمثلة دمعات.
حبك محيته من صميم كنيني
معاد ينفع فيه خود وهات.
وحتي وكان اتجي وتترجبني
موحال ترجع بينا احكيات.
وموحال نحنيلك فيوم جبيني.
رهوا زمانك فات فيه ومات.
قلبي حكم وقال مايبني.
نرجع انعيش العمر في الغيات.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى