مسابقة الشعر العامى

التوهة .. مسابقة الشعر العامى بقلم / محمد عنتر ( القوصى ) من مصر


قصيدة بالعامية
للمشاركه في مسابقة في مهرجان همسة الدولي

التوهه

تنام التوهه علي كتفي

ادور حفيان اناديني

اعلي في صوتي واتلفت

يرد لساني انا اديني

نسيت تاني ملامحك ليه

وامتي هحتفظ الصوره

وامتي الجسم تسكن فيه

ف عقلك صوتي وسكوتي

وجاي تسألني اسمك اية

اقولك ايه اقولك ايه

الاسم صابر ع الآلام

السن عشرين بس شايب

المهنه نحات ف الكلام

والعلم دبلوم ف العجايب

الوصف اشبه من ملامحي

واللون مش ابيض بس قمحي

الشعر من لون السنين

والعين هلاك الناظرين

والقلب عرش الطيبين

والحاله اعزب

بس سيد العاشقين

عنواني ساكن جتتي

جنب سوق الزكرايات

شارع الوجع اللي فات

حارة القلب اللي مات

انا الشاعر

انا الشاعر اللي خلي كلامه يشهد بالعجز

لما مرة كشفت جسمي

وانا اللي عجزت اللغات

لما حبت توصف اسمي

وانا الرسام اللي مات

من خيالة ف الصور

واسألوا الزمن اللي بات

بالسنين يتهجي رسمي

انا السر اللي جوة البير

وتحت ( الزير ) دموع بتخر

وانا اللي سكوتي ديما رد

وانا الخيط اللي مش بيكر

انا الطلة اللي ( محتلة ) براح الكون

ولو لغة الكلام تفهم

لرقعت للسان تبكي

وتتوسل اليه بجنون

انا المولود علي كفوفي

وانا المتربي من خوفي

وانا اللي كبرت علي حجري

برغم العيشه وظروفي

انا النوم اللي قتل الحلم بجفونه

عشان كداب

وانا اللي مكمل العشرين وشعرة شاب

وانا الجرح اللي عمرة ماطاب

فليه الكلمه لو غفلت ولمستني

متتكسرش م الرعشه وتبقي تراب

انا واحد مسجون جوايا

ودا يمكن مش صوتي وردي

انا قاتل وبيجري ورايا

انا خايف من ( قدامي ) اعدي

انا هربان مني وري ضلوعي

انا بحلم ديما برجوعي

وانا المتسبب ف دموعي

وانا برضو اللي بيمسح خدي

انا مش عارف انا مين فيا

انا ولا الساكن بيا

انا فعلا تايه عن نفسي

انا محتاج ناس تبكي عليا

انا محتاج ناس تبكي عليا

الاسم محمد عنتر محمد الشهير بإسم محمد القوصي

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫6 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق