ط
مسابقة الشعر العامى

الحلم الكداب.مسابقة الشعر العامى بقلم / يسرى حسنى الصلاحى

خاص بالمسابقة
شعر عامى
يسرى حسنى الصلاحى
بورسعيد/مصر
يسرى ابصلاحى
رقم الفون٠١٢٢٧٦٩٧٥٢٥
الحلم الكداب
جَمد كل مشاعر روحك
حطها ف فريزر ايامك
واضحك على نفسك واقنعها
ان الحب ركع قدامك
وانك سيبته هناك يتوسل
وبيكتب شعر ف اوصافك
وان عينيك م الغزل اتكسفت
لما اتجرأ بس وشافك
لملم يلا الباقى ف كذبك
واقف ف مراية تفكيرك
شوف بعينيك اخره افكارك
رحلة عمرك حاضنة ضميرك
يمكن شفت كتير م الدنيا
ضِحكت لك وبتعشق غيرك
انت مصدق لسه كلامها
وبترسم قلب على سريرك
رافض فكرة عشق وغية
و بتفرش للكون منديلك
وتنور انوارك حمراء
وبتحلم بالحلوة تجيلك
والحلوة بتضحك مع غيرك
واهى عاطيه مواعيد بالزوفه
ضحكتها تمثيل محبوكه
ترسمها وتعمل مكسوفه
جمع كل حطام احلامك
خد ايامك للترسانة
اعمل بكره احلى سفينة
احبس قلبك ف الزنزانة
واوعى تبيع من تانى دماغك
علق على قلبك مش فاضى
ومعدتش للدنيا دليفرى
والالوان مبقتشى رمادى
روق بالك واحضن حزنك
كوباية شايك خمسينه
واحكى لروحك قصة حبك
لما بتقعد ف التراسينه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى