الشعر والأدب

الرحلة .قصيدة بقلم / إيهاب ابو طه

Spread the love

ايهاب يحيى
………
الرحلة محتاجة لجدع
يعرف يطبطب ع الطريق
يعرف يسايس فى الحجر
قادر على النوم الغريق
قادر على الحلم السوى
السكة لازم تستوى
والغصب بيهد الجبال
لكنه ما بيبنيش أمل
والرحلة لازم تكتمل
ايه العمل
كل العيال اتصلبت
كل الرجال اتحكمت
والحكمة جالها دور ملل
الكهف
هو اكتفات حبة نفس
قبل الجنون المحتمل
حاضنين فى بعض بيحسبوا
متى هينفض الزعل
لو كانوا خابوا اتفرقوا
لاتهد حيل النسمة من شيل التراب
والسيل رماهم بالشتات
لكن ساعات الفكرة بتقوى
وبتبنى جوا الصخر
بدل البيوت أوطان

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق