ط
الشعر والأدب

الروح بتسكن في الجسد..قصيدة للشاعرة / أمل صيدم

أمل صيدم
مكتب الأردن
منال أحمد

قصيدة عامية ….
بقلم الشاعرة امل صيدم

الروح بتسكن في الجسد
فتحس إنك م البشر
وساعات تعاند نفسها
تكفر بأحكام القدر
فتلاقي إنسان انتحر
علشان مالوش في الكون مكان
وفقد خلاص كل الأمان
أوراقه دبلت ع الشجر
قرر يقاطع دنيته
ضعف الإيمان كان غلطته
حرر شياطينه الخفيه
كسرت حدود الشرنقه
و اتمكنت من نفسه هي
خرجت بجوعها و كفرها
مسكت في عقله اللي انحنى
فنسي ساعتها ملته
و مشي ف طريق مذلته
قرر يودع دنيته
طب فين إيمانه برب خالق
ليه ينسى إن قانون حياته
الكل للدنيا مفارق
و إن الحياه فيها مَفارق
بس اللي خلقه بيه رحيم
إداه علاج مس الرجيم
سنه تركهالنا الحبيب
وركعتين وقت السحر
و آيه من ذكره الحكيم
==============
بقلم امل صيدم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى