الرئيسية » مسابقة الشعر العامى » الست بهية ..مسابقةشعر العامية بقلم / عابدين محمود البرادعى من مصر

الست بهية ..مسابقةشعر العامية بقلم / عابدين محمود البرادعى من مصر

عابدين محمود البرادعي
من مصر
مقيم بالكويت
0096596674071
عا ميه
( الست بهيه )
قامت الصبح عز البرد……
ساعة الفجريه………
الست بهيه …………
اصحي ياواد اصحي يابت…….
المستشفى بعيده شويه……….
وطلعنا ورحنا المستسفي …….
شكلها بيقول مستشفي ……..
وبسرعه وصلنا …..
ولا طلعت مستشفي …..
ولا حتي عياده……..
رحت يمين أقطع تذكرتين ……
لمحمد واختة شرين …….
سألته قبل ما ادفع ……
فين عظام والباطنه ارولها منين ….
أنا جاهله يا ولدي معرفش نظام …..
قالي وهو بيده الشيشه ……..
متقلقيش خديلك نومه وتعسيله ….
هو دكتور واحد للكل …….
.اصل ابوه عمده كفر عباده ……
ومش عاوزين رغي ولا زياده ……
مفهوش طبيب ولا عيادة …….
غير ابن العمده عباده ……..
خلاص أقطع تذكرتين …….
انا تعبت زيادة ……….
بصراحه نمت وانا عندي زكام …..
تكرمو جنب الحمام …….
أصل الزحمة كتيره ………
ومفيش صاله ولا حتي نقاش ……
صحينا علي صوت الفراش ……
قومي يا ست عناده ………….
بكره تعالي بدري شويه ……..
ليه ياولدي و انا هنا من الفجريه……
قلنا خلاص الدكتور مش فاضي…….
معاه عمليات بعيادتة الخارجيه ……..
وادي حالك يابلادي…………
ناس تنام متغطيه ………
وناس تقوم من الفجريه ….
نومه جنب الحمام ياحباب …………
ومفيش رقابه ولا حساب …..
وشيشه وتعسيله ودخان …….
وبالاخر إطلع غلطان ………
صح يا ست بهيه……….
ما قلتلك خليكي فبيتك مرتاحه……..
واهي موته ولا زياده ……….
أصل العاده بكفر عباده……..
منقدرش نغيرها……..
ابن العمده وابن البواب……..
مفيش حاجه إسمها علم واسباب ……
لو قلنا هنفهم نموت بزيادة …….
عرفتي يا ست بهيه …………..

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *