ط
الشعر والأدب

وعدتك .قصيدة للشاعر / محمد عبد المنعم . منعم

وعدتك

وعدتك بحاجات كتيرة ايوة وعدت

بس ما كنتش يومها شجاع

انا باسحب كلمتي وفيها رجعت

باعترف انا مش قد الوداع

قلت الفراق ما يهمنيش هاقدر عليه وقده

وانا احساسي بيقولي مش هاقدر أعيش بعده

يعني متخديش كل كلامي جد

عمري ما نفذت وعد

وانا زي اي حد

مش حمل فراق ولا بعد

مقدرش اسيب احلامي يايديا يتهدوا

يعني مهما زعلنا ما تقوليش دا اخر مشهد ف الموضوع

يعني مهما اختلفنا متصدقيش برضه هيبقي بنا رجوع

يعني مهما انفعلت مهما غضبت

وبالفراق هددت وكدبت علي روحي وصدقت

سيبيني أعيش اللحظة وهتلاقيني اوام رجعت

قلوبنا عارفة سكتها مهما ف يوم بعدوا

يعني متخديش كل كلامي جد

عمري ما نفذت وعد

وانا زي اي حد

مش حمل فراق ولا بعد

مقدرش اسيب أحلامي بايديا يتهدوا

وعدتك

محمد عبد المنعم

منعم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى