الشعر والأدب

الشمس والقمر..قصيدة للشاعر / على مدكور

على مدكزر

عبيتلك القمر
ف قصيده كتبتها
والشمس رسمتها
ضحكه على سنتك
غرقان انا والقمر
والشمس برسمها
ف عيون ضحكة شفايفك
وف حضن محبتك

اتشعلقت ف شعاع
وطلعت استسمحك
تلينى وتعطفى
وتيجى عندنا
تعبت من البعاد
مش طايل مطرحك
ولا قادر تبعدى
ابدا عن حينا

يانجمه ف طلتك
وبسمه ف رقتك
انا عاشق بسمتك
ياضى من السما
غرقت ف نظرتك
وتهت ف سكتك
وعاشق دنيتك
ياروح متبسمه

ساكنه جنب النجوم
ومفيش هناك هموم
مش قادر انسى يوم
حلاوة ضحكتك
باتمنى والمنى
معشش ف الغنا
ومفيش مكان هنا
الا لمحبتك

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق